亞協盃 大戰當前!顏樂楓梁振邦有話兒

2022年06月23日 17:30
東網電視
更多新聞短片
(資料圖片)
「亞協盃」J組賽事,由理文及東方龍獅兩支港超球隊打響頭炮,兩軍近年無論在本地賽事,或「亞協盃」賽場都有過不少交鋒機會,今場戰果必定左右最後出線形勢,其中兩軍核心球員顏樂楓及梁振邦,賽前亦講到對今場對決的看法。
有別於上屆分組賽在香港舉行,今屆各支球隊要去到泰國武里南競逐出線資格,香港球隊自然就沒有了主場優勢,對此「光頭」說到:「上年喺香港,仲要喺我哋嘅主場將軍澳運動場踢,對我哋來講係絕對嘅優勢。今年喺泰國踢三隊都更難適應,令大家實力更平均。」理文於上屆成績令人鼓舞,「光頭」誓言今屆目標,是爭取「每場要贏」。
早前雙方都有主力獲港隊徵召,遠征印度於「亞洲盃」外圍賽勇奪決賽周資格,無論理文或東方球員都功不可沒,惟去到「亞協盃」賽場,「光頭」認為球員回到各自球會「各為其主」:「我只會希望自己球隊勝出,無其他諗法。」
東方龍獅在上屆「亞協盃」首場不敵理文,最終無緣晉級,今仗雙方再次交手,老大哥梁振邦直言希望復仇成功:「始終我哋目標係出線,點都一定要贏依場先有機會,如果唔係結局就同上年一樣。」他續指理文前場進攻辮數及變化多,需要多加提防。
今次大軍名單中東方挑選了不少年輕球員,部分小將在今仗大戰前夕難免會感到緊張,「傻邦」表示教練團隊於賽前,特意安排一些較輕鬆的訓練環節,為他們減壓:「盡量令到個氣氛好似平時喺香港練波咁樣,等佢哋唔會太緊張。」