熱刺有望簽李察利臣 雲克斯成關鍵

2022年06月23日 20:01
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
據英國傳媒報道,愛華頓正同熱刺就收購哈利雲克斯進行商討,不過同一時間,熱刺亦準備同車路士爭奪李察利臣,據報兩間球會有機會達成球員交易協議,實行「雙贏」。
隨住戴爾夫約滿同雲迪碧克回歸曼聯,愛華頓今夏主要任務係增添中場,領隊林柏特就睇中熱刺中場哈利雲克斯,呢位前英格蘭國腳喺比蘇馬加盟後,已經成為熱刺第5號中場,預計上陣機會大大減少,熱刺領隊干地亦會同意放人。
有趣嘅係,熱刺亦想收購愛華頓嘅巴西前鋒李察利臣,不過「拖肥糖」叫價6,000萬鎊,令車路士等球會卻步,據報如果熱刺用哈利雲克斯作為交易一部份,就有望同愛華頓達成協議。如果熱刺成功交易,就可以排出哈利卡尼、孫興民同李察利臣嘅夢幻三叉戟。