還是你最好 巴塞欲重簽尼馬阿蘇

20220623
東網電視
更多新聞短片
哨牙蘇與尼馬(Getty Images)
最強博彩盤路過關神器《串績王》:http://win.on.cc/football/ 
巴塞隆拿今季增兵進展緩慢,沙維即使有唔少心儀球員,但都冇乜回響,來自西班牙傳媒不同渠道爆料,巴塞正考慮重召兩位舊將,分別係尼馬同蘇亞雷斯。
巴黎聖日耳門近日傳出打算出售尼馬,但好難搵到買家,最關鍵係尼馬本人意願,而巴塞正係尼馬願意加盟嘅球會之一,《西班牙六台》報道,由於巴塞斟介羅拔利雲度夫斯基一事懸空,會方正考慮向PSG回購尼馬,而且轉會費唔貴,只須5000萬歐元。
消息指,羅拔佬同尼馬都係同一個經理人,所以有兩手準備,一旦拜仁堅持拒絕放走羅拔佬,就會向巴塞推薦同級數嘅尼馬,而且尼馬對於重投巴塞並不抗拒,轉會唔會太複雜。
另邊廂,35歲嘅蘇亞雷斯即將離開馬德里體育會,回復自由身,《每日體育報》報道,原來巴塞接觸過阿蘇,問佢想唔想返巴塞,如果巴塞簽唔到羅拔佬,就希望阿蘇歸隊,叫佢等到8月先做決定。不過阿蘇依家不愁出路,西維爾、維拉利爾及河床都想簽佢,但最吸引當然係巴塞。