【官宣】抵玩！紐卡素平簽英格蘭門神

足球博彩神器，每日重心提供盡在《彩報》：http://win.on.cc/football/　

英超球會紐卡素周五(24日)官方宣布，球會由降班嘅般尼簽入英格蘭門將尼克普比。唔少球迷都覺得有沙特阿拉伯財團入主嘅紐卡素，會瘋狂買人而做「水魚」，但「喜鵲」反而專吼實不而華嘅筍貨，今次以1,000萬鎊簽尼克普比亦屬「抵玩」之選。

現年30歲嘅尼克普比係英格蘭國家隊3號門將，由於佢效力嘅般尼降班，佢為保國家隊位置亦不得不轉會，尼克普比簽約4年後表示：「我終於嚟到啦，真係等唔切想即刻上陣，呢單轉會搞咗幾個星期，好開心依家真係落實，非常期待之後嘅發展。」

準備大展拳腳嘅紐卡素，尼克普比係佢哋今夏第1張新面孔，之前只係將借用嘅馬特泰基特買斷，至於收購後防保治文同前鋒伊基迪基，仍然都係同賣方討價還價。