世盃名單增至26人　名牌領隊唔使頭痕

最強博彩盤路過關神器《串績王》：http://win.on.cc/football/　

國際足協周四(23日)宣布，年底舉行嘅世界盃決賽周將容許每隊派出26名球員參賽，比以往嘅23人增加3個名額，普遍認為呢個措施，對於擁有大量優質球員嘅名牌球隊會更加有利。

往常國際大賽嘅球隊大軍名額都係23人，但隨住疫情肆虐，之前嘅歐國盃同非國盃都已經「擴軍」至26人，國際足協今次只係順應趨勢，不過佢哋嘅措施更加寬鬆，歐國盃同非國盃都只係批准23人進入比賽名單，而卡塔爾世界盃就容許15名後備球員全部候命。除此之外，每支球隊初選名單可以有55人，而比賽日後備席只可以有26人，包括15名後備同11名職員，而職員當中至少要有1個係軍醫。

各國對呢個改變都非常歡迎，尤其法國、英格蘭、巴西、德國等名牌球隊，本身就有大量一線球星要競爭位置依家修夫基、迪甘斯等領隊大可以講：「我全部都要！」