夏蘭特或租住普巴豪宅 網民:風水應該好差

20220625
東網電視
更多新聞短片
最強博彩盤路過關神器《串績王》:http://win.on.cc/football/ 
艾寧夏蘭特加盟曼城之後,仍然喺曼徹斯特搵緊屋,英國《太陽報》指呢位挪威國腳好可能租住保羅普巴擁有嘅豪宅,由於普巴效力曼聯期間,表現差劣,最後更同球會不歡而散,難怪唔少網民認為可能係間屋風水差,夏蘭特最好小心啲揀樓。
據悉呢間大屋價值300萬鎊,應普巴要求,各項運動設施齊備,包括有泳池、健身室、小型足球場等,非常適合球員需要,應該啱艾寧夏蘭特心水。
有消息人士指由於艾寧夏蘭特同保羅普巴屬於同一間經理人公司,所以好大機會安排佢入住呢間屋:「艾寧夏蘭特希望盡快搞掂居住問題,安定落來,專心為球隊備戰,佢同普巴互相認識,性格喜好亦相似,加上又係同一間經理人公司,相信佢會鍾意呢間屋。」
保羅普巴離開曼聯之後,估計唔會再點返英國,可能出售間豪宅,但如果艾寧夏蘭特有需要,佢亦樂意租畀對方,有傳租金為每月3萬鎊。