畀林伯睇中　韋拿杜姆做紅軍二五仔

最強博彩盤路過關神器《串績王》：http://win.on.cc/football/　

愛華頓上季差啲降班，主帥林柏特希望加強實力，有指佢睇中前利物浦中場韋拿杜姆，呢位荷蘭悍將隨時變身紅軍叛徒。

愛華頓上季僅僅護級成功，嚇到主帥林柏特一額汗，由於陣中嘅安祖高美斯、阿倫盧利奧可能走人，適逢上季以自由身從利物浦轉投巴黎聖日耳門嘅中場韋拿杜姆，去到法甲備受冷落，成季只有18次正選上陣，佢希望重返英超，操番起狀態爭入荷蘭隊出戰年尾世盃，PSG亦同意佢離隊，因此林伯打算將佢收歸旗下，不過仲要同李斯特城、狼隊、韋斯咸拗手瓜。

雖然有報道指利物浦想韋拿杜姆回巢，但只聞樓梯響冇乜實際行動，若果韋拿杜姆真係轉投愛華頓，就會為呢對同市死敵再添新仇。