皇馬與巴西3子續約5年　違約金10億

皇家馬德里今季奪得西甲及歐聯雙料冠軍，3位巴西小將雲尼斯奧斯祖利亞、洛迪高高斯及艾達米列達奧表現成熟，皇馬打算同3人續長約至2027年，違約金一口氣提高到10億歐元。

西班牙傳媒報道，皇馬同巴西3子已經準備合約，希望喺7月8日球隊開操前，同3人敲定續約事宜，以迎接新球季。

現時皇馬陣容可謂新老結合，舊有一班主力各累積5奪歐聯，而幾位小將仲好年輕，雲尼斯奧斯祖利亞同洛迪高高斯年僅21歲，艾達米列達奧24歲，佢哋仲可以喺皇馬踢好長時間，因此今次續約對球隊長遠計劃好重要。

巴西3子同皇馬合約尚餘2至3年不等，皇馬希望佢哋續長約至2027年，希望加快入籍西班牙進度，當然年薪亦有望提高，違約金則提高到10億歐元。