曼城清洗功臣 貝拿度施華自薦投巴塞

2022年06月27日 09:01
東網電視
更多新聞短片
最強博彩盤路過關神器《串績王》:http://win.on.cc/football/ 
曼城上季成功衞冕英超,不過衝擊歐聯寶座功虧一簣,領隊哥迪奧拿今個夏天進行換血,近年立下唔少戰功嘅3名功臣加比爾捷西斯、史達寧同辛真高都會被清走,不過令曼城最意外嘅係,葡萄牙中場貝拿度施華決心求去,據報更多次自薦加盟巴塞隆拿,或會打亂哥迪奧拿嘅部署。
簽入艾寧夏蘭特等炙手可熱嘅球星,曼城前線亦要「減磅」,只剩1年合約嘅加比爾捷西斯同史達寧將被放走,加比爾捷西斯已傾掂4,500萬鎊轉會阿仙奴,而史達寧就盛傳將會加盟車路士,至於烏克蘭守將辛真奴,傳聞亦獲紐卡素、愛華頓等球會垂青,離隊機會極大。
不過,上季踢出加盟後最好表現嘅中場貝拿度施華,據報要求離隊轉投巴塞隆拿,呢位葡萄牙國腳1月份已同巴塞會長拉波塔私下達成協議,問題係曼城唔想放人,而且轉會費亦係一大難題。西班牙《世界體育報》報道,貝拿度施華轉會決心極大,多次向巴塞會長、副拿長同總監傳短訊,希望巴塞盡快提出收購,消息指巴塞教練沙維亦打算以佢作為重建核心,但要等賣走法蘭基迪莊後,先可以動用資金作出收購行動。