銅牆鐵壁！高圖爾斯新紋身曝光

最強博彩盤路過關神器《串績王》：http://win.on.cc/football/　

泰拔高圖爾斯協助皇家馬德里勇奪歐聯冠軍後，盡吐多年來被「睇死」嘅烏氣，為紀念呢個歷史性時刻，呢位比利時門將特別去整咗個新紋身做紀念，將自己比喻為球場上嘅銅牆鐵壁！

30歲嘅泰拔高圖爾斯周日(26日)喺社交網，公開佢身上面嘅新紋身，圖案除咗佢個名嘅簡寫同號碼「TC1」外，亦有2022年歐聯獎盃，同埋一個被磚牆封死嘅龍門，喻意冇人射得入佢「封住」嘅大門。

泰拔高圖爾斯拎歐聯冠軍後，曾自爆被英國傳媒挑剔同「睇死」，結果佢喺歐聯決賽9次救出利物浦攻門幫皇馬捧盃，形容呢個冠軍係佢人生最重要嘅獎盃。