坦哈格效應　曼聯球星喪操變大隻仔

足球博彩神器，每日重心提供盡在《彩報》：http://win.on.cc/football/　

曼聯新帥坦哈格上場後，球隊陣容、戰術都會大改革，呢位荷蘭教頭講明排陣會以表現行先，一眾球員亦希望盡力提升狀態博取領隊歡心，成堆球員近期齊齊大晒健身室操肌照片，多位「紅魔」都變晒做大隻仔！

曼聯青訓產品杜安薛比早前公開「操肌」效果，化身「筋肉人」令球迷嘩然，但原來其他球員一樣努力做Gym，拉舒福特、雲比沙卡、艾蘭加、麥湯米尼不約而同分享暑假「特訓」成果，至少呢份決心已經好抵讚。

據報坦哈格早前曾向球員發送電郵，話球員上陣係睇表現而唔係睇名氣，消息人士話：「坦哈格要球員以最認真態度練習，佢想每課訓練都好似比賽一樣，球員嘅體能狀態會係前所未有咁高，如果邊個唔符合佢嘅要求，就會被其他年輕球員取代。」