【官宣】17年後再戰巴甲　費蘭甸奴重返母會

足球博彩神器，每日重心提供盡在《彩報》：http://win.on.cc/football/　

巴西中場費蘭甸奴約滿曼城後，周二(28日)宣布回流巴西，加盟佢出道球會帕拉尼恩斯，時隔17年後再喺巴甲征戰。37歲嘅費蘭甸奴表示佢20年職業球員生涯，只係效力過3間球會，喺依家呢個「講金唔講心」嘅球壇已屬罕見。

費蘭甸奴周二喺帕拉尼恩斯嘅發布會表示：「我收到好多斟介，由外國球會到巴甲球會都有，但最合適嘅做法就係重返巴甲為帕拉尼恩斯效力。我嘅足球生涯只係效力3間球會，2間歐洲同1間間巴甲，我非常開心，亦感激家人支持我做嘅任何決定。」

費蘭甸奴2002年喺帕拉尼恩斯出道，效力3年後轉投烏克蘭嘅薩克達，一踢就踢咗8年，2013年加盟曼城再經歷9個獎盃無數嘅球季，17年歐洲之旅今夏完結。費蘭甸奴喺帕拉尼恩斯將會同前巴西領隊史高拉利合作。