【官宣】尼斯證加迪亞離隊　法夫爾接任

最強博彩盤路過關神器《串績王》：http://win.on.cc/football/　

法甲球會尼斯周二(28日)宣布，執教僅1年時間嘅加迪亞正式離隊，曾經執教多蒙特嘅教練法夫爾會第2度接掌尼斯帥印。隨住尼斯證實加迪亞離開，呢位55歲法國教頭執教巴黎聖日耳門(PSG)只係時間問題。

尼斯官方聲明只係簡單一句「加迪亞唔再係尼斯教練」，之後就宣布64歲嘅法夫爾回歸執教，喺2016年至18年執教尼斯嘅法夫爾表示：「重返尼斯感覺好得別，我一直有同球會嘅人聯絡，我之前都收到其他球隊斟介，但當知道尼斯想搵我，我就即刻決定返嚟。」

至於被低調離隊嘅加迪亞，幾乎肯定會成為PSG新帥，不過PSG目前同普捷天奴嘅合約問題仍未解決，所以暫時唔能夠官宣。據報普捷天奴要求獲取合約內全數人工先至離隊，PSG方面同佢正係商討當中。