【官宣】阿仙奴簽美國門神 一舉動冧爆球迷

2022年06月28日 12:22
東網電視
更多新聞短片
最強博彩盤路過關神器《串績王》:http://win.on.cc/football/ 
阿仙奴周一(27日)官方宣布,美國門將馬特端納由新英倫革命加盟,據報轉會費為575萬鎊。呢位上季美職最佳門將雖然只係啱啱加盟,不過日前一次舉動就已經冧爆唔少阿仙奴粉絲。
馬特端納上星期為新英倫革命完成最後1場比賽後,喺場邊幫球員簽名告別,突然間出現一名着住熱刺波衫嘅人,馬特端納見到即刻「嫌棄」而作出拒絕,要知道熱刺係阿仙奴嘅死對頭,馬特端納咁識撈當然氹到阿迷開心啦!
28歲嘅馬特端納目前係美國國家隊正選,上年就帶領美國贏到美洲金盃冠軍,6場比賽有5場保持不失球,領隊阿迪達表示:「馬特端納經驗豐富,佢呢幾年喺美職同國家隊都證明自己嘅質素,佢加盟會提升球隊實力。」預料馬特端納會取代即將離隊嘅德國門將賓特尼奴,同蘭斯達爾爭奪正選位置。