朴智星手指拗出 勸孫興民加盟利物浦

2022年06月28日 16:00
東網電視
更多新聞短片
(Getty Images)
最強博彩盤路過關神器《串績王》:http://win.on.cc/football/ 
熱刺前鋒孫興民上季同穆罕默德沙拿平分英超神射手,獲得包括皇馬、曼聯在內等多間大球會垂青,未必再留喺熱刺。南韓名宿朴智星建議「孫仔」應該轉投利物浦,唔止可穩坐正選,而且紅軍奪取歐聯嘅機會大,但就唔好加盟曼聯,因為紅魔鬼仍處於困境,連踢歐聯嘅資格都冇。
據悉孫興民比較想留喺英超,加上皇馬難以騰出非歐盟球員名額畀佢,估計「孫仔」去西甲搵食機會比較細,朴智星表示,如果孫興民轉會,應該揀利物浦:「孫興民完全有能力再上一層樓,佢已經向全世界證明咗自己嘅實力,我認為加盟利物浦係更好嘅選擇,因為現時曼聯仍處於低谷,甚至冇份踢下屆歐聯。」
朴智星指出沙迪奧文尼離開利物浦後,若然簽入孫興民,可以同穆罕默德沙拿、達雲紐尼斯組合完美進攻組合,足以稱霸歐聯,以「孫仔」嘅級數,起碼要捧1次歐聯冠軍,球員生涯先至唔會有遺憾。
朴智星球員時代曾於2005至12年效力曼聯,協助紅魔鬼捧過4次英超及1次歐聯冠軍等錦標,話晒係球隊名宿,但卻推薦同胞孫興民畀曼聯死敵利物浦,難怪唔少紅魔球迷都鬧爆佢手指拗出,唔拗入。