車路士準備1億鎊　連搶拉芬夏史達寧

最強博彩盤路過關神器《串績王》：http://win.on.cc/football/　

車路士換咗新班主，繼續組建豪華陣容，最新消息係新班主保利出手，爭奪近期備受追捧嘅列斯聯巴西國腳拉芬夏比洛尼，並準備向曼城簽入史達寧，一口氣強化雙翼，如果兩個都買晒，總資金將達到1.05億至1.15億鎊。

拉芬夏近期受到阿仙奴同巴塞隆拿密切關注，尤其是阿仙奴，佢哋簽入加比爾捷西斯後，希望簽埋同為巴西國腳嘅拉芬夏，湊成一對，車路士當然唔會畀你咁順利，轉會專家羅曼奴爆料指，車路士中途殺出，向列斯聯報價6500萬鎊斟拉芬夏，由於銀碼吸引，列斯聯已經接納，現時正就合約展開談判。

另邊廂，車路士斟介史達寧尚算順利，車路士開出首次報價為2500萬鎊另加浮動，不過已被曼城拒絕，曼城希望以5500萬至6000萬鎊出售史達寧，現時車路士正準備第2次報價，估計雙方會在4000萬至5000萬鎊之間達成交易。