華拉堤度假被爆格　損失半年人工！

足球博彩神器，每日重心提供盡在《彩報》：http://win.on.cc/football/　

意大利國腳馬高華拉堤趁暑假期間同老婆去度假，點知遇上賊人爆竊，呢次慘喇，佢畀人偷咗現金、珠寶同名錶等財物，夾夾埋埋唔見咗250萬鎊，足足係佢半年人工呀陰功。

華拉堤暑假期間帶埋老婆同家人，前往西班牙伊比薩島遊玩，佢入住嘅度假屋屋主，就係巴西傳奇「肥哨」朗拿度，以為穩陣，點知一樣出事，賊人趁華拉堤一家出外遊玩期間，入屋老爆，將值錢嘅嘢全部偷晒，損失總值250萬鎊，據報事發後已由當地國民警衞隊調查，睇吓搵唔搵到賊仔，但咁嘅環境多數都係搵唔到。

華拉堤又係奇怪，去度假帶咁多貴重物品，但又冇專人好好看管，結果益晒班賊，據報華拉堤喺巴黎聖日耳門年薪為500萬鎊，今次損失250萬鎊，係佢半年人工！