阿仙奴開操　雙星「失蹤」等轉會？

最強博彩盤路過關神器《串績王》：http://win.on.cc/football/　

今個夏天積極增兵嘅阿仙奴，周三(29日)公開新球季復操情況，雖然陣中大部份國腳同新加盟球員都未歸隊，但亦有湯馬士柏迪、賓韋特、比利連、尼基迪亞同尼高拉斯比比等熟悉面孔，不過門將賓特尼奴同中場盧卡斯托拉拿就「失蹤」，傳聞可能喺短期內離隊。

由於國際轉會窗7月1日先正式開啟，所以3名新收購球員韋比奧韋拉、馬昆奴斯同馬特端納都未可以參與，今次開操焦點就喺一眾外借回歸嘅球員，包括比利連、柏保維拿、美蘭尼爾斯等等，但上季外借費倫天拿嘅盧卡斯托拉拿就未有現身，呢位烏拉圭國腳日前亦表示：「我返阿仙奴嘅機會係零，球會都承認冇我嘅位置。」傳聞拉素、拿玻里等意甲球會都對佢有興趣。

另一位「失蹤」球員係德國門將賓特尼奴，佢今夏並冇入選德國國家隊歐國聯大軍，照理應該要歸隊操練，不過阿仙奴早前簽入美國門將馬特端納，賓特尼奴離隊已成定局，有消息話富咸有意提出收購。