巴塞通知4將唔使歸隊 朗格勒外借熱刺

2022年06月30日 20:25
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
據西班牙《世界體育報》報道,巴塞隆拿嘅清洗計劃火速進行,烏姆迪迪、列基佩治、巴夫韋迪同奧斯卡文古沙4將,已被通知唔需要歸隊出席季前集訓,有球會斟介隨時可以走人,而法國守將基文迪朗格勒更會率先離隊,據報已傾掂外借熱刺1季。
巴塞為節省薪酬開支,陣中多位大後備都會被踢走,球隊喺7月4日展開新球季操練前,烏姆迪迪、列基佩治、巴夫韋迪同奧斯卡文古沙就被通知唔需要出現,亦肯定唔會出現喺之後美國之旅嘅名單,並叫4位球員嘅經理人盡快安排轉會。
率先離開嘅會係法國中堅基文迪朗格勒,英國傳媒指熱刺已同巴塞達成借用協議,呢位27歲球星會外借身份加盟1年,消息指基文迪朗格勒原本會去羅馬,但羅馬教練摩連奴只視佢為後備中堅,所以佢選擇加盟有得踢歐聯嘅熱刺。