【官宣】PSG簽入波圖新星　為麥巴比而設

最強博彩盤路過關神器《串績王》：http://win.on.cc/football/　

法甲冠軍巴黎聖日耳門(PSG)正式宣布簽入波圖中場域天拿，成為甘波斯擔任球會總監後，首位簽入嘅球員。呢位22歲葡萄牙國腳擅於傳送，創造入球機會，相信有利隊內星級射手基利安麥巴比新一季數胡。

據悉PSG用4,000萬歐元直接買斷域天拿同波圖嘅合約，雙方簽約至2027年，呢位新星上季為波圖各項賽事上陣47場入4球及5次助攻，並3度當選葡超月份最佳球員，表現非常搶鏡，佢喺今年3月首次為葡萄牙國家隊上陣。

域天拿入「門」之後表示，已經急不及待，希望上陣證明實力，並認為自己喜歡為隊友創造入波機會，並可以做好球隊中後場串聯工作。