傾錯經理人?曼聯第1簽被拖延

2022年07月02日 09:01
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
曼聯新帥坦哈格上任第1簽,據報將會係飛燕諾左閘杜維爾馬拉西亞,1,290萬鎊轉會費亦都傾掂數,不過消息指曼聯一直傾開嘅經理人,突然被取消談判權利,雖然「紅魔鬼」仍然有信心可以達成交易,但落實時間就被拖延,更重要係該位經理人同時亦代表法蘭基迪莊,未知會唔會對轉會構成影響。
正當曼聯準備杜維爾馬拉西亞簽約,據報呢位荷蘭新星突然撤換經理人,原本代表佢同曼聯傾約嘅杜辛,被告別冇資格進行談判,杜維爾馬拉西亞暫時改由佢老竇做代表,亦係曼聯遲遲未作出官宣原因。不過,英國傳媒指曼聯同飛談諾嘅協議仍生效,只係文件處理上要花更多時間,落實交易只係時間問題。
不過令球迷擔心嘅係,屬於經理人公司HCM嘅杜辛,同時亦係巴塞隆拿中場法蘭基迪莊嘅經理人,曼聯同巴塞隆拿達成轉會協議後,依家重點就係要同法蘭基迪莊傾個人條件,唔知今次換經理人事件會唔會影響埋呢單交易。