【官宣】MK恩離開羅馬　免費投國米

足球博彩神器，每日重心提供盡在《彩報》：http://win.on.cc/football/　

國際米蘭借回盧卡古後，周六(2日)再簽新兵，阿美尼亞中場米希達利恩剛宣布離開羅馬，隨即以自由身加盟國際米蘭，據報簽約1年另加1年優先，成為國米今夏第4簽。

33歲嘅「MK恩」2019年離開阿仙奴外借到羅馬，一季後正式轉會，至今喺意甲比賽3季，為羅馬上陣117場入29球，上季協助球隊贏得歐協聯冠軍，亦係佢繼曼聯贏歐霸盃冠軍後，個人第2個歐洲冠軍，巧合嘅係兩次捧盃都係同摩連奴合作。

佢同羅馬今季約滿，摩帥亦不作挽留，佢喺告別羅馬感言中亦特別提到摩連奴嘅幫助，同埋羅馬球迷嘅支持。

新球季「MK恩」轉投國際米蘭，將與另一前曼聯隊友盧卡古再續隊友緣，計埋之前嘅奧拿拿同阿少拿尼，國米已簽入4名新兵。