【官宣】曼聯甸恩軒達臣　外借森林一年

最強博彩盤路過關神器《串績王》：http://win.on.cc/football/　

曼聯官網周六(2日)宣布，25歲門將甸恩軒達臣外借到新升班嘅諾定咸森林，為期一年，不設賣斷條款，今季聯賽不得倒戈。

甸恩軒達臣係曼聯青訓出身，不過升上一隊以來甚少上陣機會，只能擔任迪基亞副手，其職業生涯外借居多，2016年起外借到史托港、甘士比、梳士貝利、錫菲聯，佢喺錫菲聯最成功，協助球隊升上英超，並衝入英超前列，兩年前被曼聯收回己用，但上陣機會甚少，今夏又重回外借生涯，外借到諾定咸森林。

甸恩軒達臣同曼聯合約到2025年，仲有一年優先選項，曼聯唔會咁易放佢走，佢喺曼聯周薪為11萬鎊，外借諾定咸森林期間將要承擔佢嘅人工，佢亦係森林升班後主要新兵，預計甸恩軒達臣將成為森林正選門將，只要冇傷冇病發揮理想，對佢爭取入選英格蘭世界盃大軍大有幫助。