甲組聯賽盃 各踢少一個 深水埗反勝高力北區

2022年07月03日 17:27
東網電視
更多新聞短片
(林卓臻攝)
甲組聯賽盃周日(3日)於九龍灣公園球場上演4強大戰,其中打頭陣有高力北區面對深水埗。結果雙方各有一人被逐離情況下,深水埗憑後備入替的尼高拉斯下半場梅開二度,以2比1反勝先取得入球的高力北區,率先闖入決賽。
深水埗今場有羅港威充當箭頭,梁星耀及黎格爾坐鎮中場,隊長羅啟華後防;北區則有艾華及羅俊仁負責攻堅,蕭俊銘於中場負責派牌。開局北區踢法較主動,羅俊仁及艾華先後有起腳機會,但未能轉化成入球。20分鐘出現比賽轉捩點,羅港威接應長傳形成單刀,被回防的北區隊長梁國威於禁區頂踢跌,球證直接向後者出示紅牌驅逐離場,北區餘下時間要十人應戰。蕭俊銘臨完上半場前於禁區頂獲得起腳機會,但未能射中目標。雙方半場互無紀錄。
換邊後,深水埗換入許嘉樂及尼高拉斯等人,企圖加強攻勢,但成功打破僵局的卻是踢少一人的北區,55分鐘,由蕭俊銘門前亂戰中勁射破網。落後的深水埗企圖發揮人數優勢反撲,尼高禁區內接應傳中射高。比賽後段,深水埗簡沙威侵犯艾華,被球證出示個人第二面黃牌,兩黃一紅被趕出場,比賽形成「10打10」局面。深水埗比賽後段發力,先有尼高拉斯禁區內射門得手,扳平比數,為「綠軍」敲響反擊號角。臨完場前補時階段,尼高拉斯接應麥富成傳中頂入,為深水埗取得絕殺入球,最終幫助球隊以2比1反勝高力北區。
賽後深水埗主教練高俊基,認為球隊的表現值得掌聲:「我哋係有好多犯錯同欠缺經驗嘅情況,11打10輸1球,10打10又追返兩球,呢啲係足球嘅魔力。」同日較早時間於大專盃為浸大上陣的尼古拉斯,今場再為深水埗披甲兼連入兩球,他直言付出的汗水是值得:「踢完大專盃要即刻趕過來,踢完比賽好攰,但係我需要嚟幫助球隊,啱啱幫浸大贏波,再幫深水埗贏埋,係雙倍開心。」