【官宣】法比奧卡華路做利物浦28號

足球博彩神器，每日重心提供盡在《彩報》：http://win.on.cc/football/　

利物浦今年5月簽入富咸新星法比奧卡華路，轉會周日(3日)終於官方落實，呢位葡萄牙19歲球星會着起「紅軍」28號波衫，領隊高普更大讚呢位天才球員有能力挑戰一隊正選位置，前途無可限量。

法比奧卡華路上季英冠大爆發，以10個入波同8次助攻協助富咸升上英超，今次以770萬鎊轉會費加盟利物浦，法比奧卡華路表示：「當我知道利物浦對我有興趣，我嘅決定就只得1個，利物浦就算唔係世界最佳球會，都係最佳之一，我好開心可以加盟利物浦。」

高普對呢位小將亦寄以厚望：「終於可以向球迷介紹卡華路，佢好有才華，可以用雙腳令球場所有球迷興奮，佢好有自信而且好有創意，可以令球隊進攻更加機動。我哋要畀啲耐性佢，加盟利物浦無疑係『升呢』，但所有人都知道佢唔會有問題。」