連格想加盟愛華頓 有得做「大佬」

20220704
東網電視
更多新聞短片
(Getty Images)
最強博彩盤路過關神器《串績王》:http://win.on.cc/football/ 
連格今夏約滿離開曼聯之後,仍然未有着落,雖然盛傳韋斯咸有意簽佢,但英國《太陽報》指呢位29歲英格蘭中場比較想加盟愛華頓,因為「拖肥糖」中前場面臨星散,連格去到可以穩坐正選做「大佬」,有大把表演機會。
愛華頓因為陷入財困,早前已經以6,000萬鎊將李察利臣出售畀熱刺,亦準備賣走另1位射手卡維特利雲。領隊林柏特今夏只能簽自由身球員,早前已經免轉會費簽入般尼中堅達高斯基,下一個目標係連格。據悉「林伯」非常欣賞連格嘅創造力,有意用佢作為球隊新進攻核心。
事實上,連格之前被曼聯外借去韋斯咸期間,獲得主帥莫耶斯重用,並交出好表現,證明只要畀佢更多上陣時間,就可以作出重要貢獻,林柏特應該想將連格成功故事複製多1次。
不過,據悉連格要求15萬鎊周薪,成為愛華頓簽入佢嘅最大障礙。