C朗現身葡萄牙訓練場 離隊因為美斯?

2022年07月05日 15:00
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
決意離開曼聯嘅C朗拿度,周一(4日)以「家庭理由」冇如期向曼聯報到,不過葡萄牙媒體《SIC Noticias》就發現,C朗同一揸車去到葡萄牙國家隊位於里斯本嘅訓練中心,進行個人練習希望保持狀態,似乎有意同曼聯劃清界線。
曼聯接納C朗用「家庭理由」請假,但所有人都知實際原因係關於轉會問題,C朗周一就被影到揸住佢架白色Rolls Royce去到葡萄牙訓練中心,英國《每日郵報》指佢係借用國家隊設施保持狀態,C朗選擇唔返曼聯而自己單獨練習,就證明佢離隊決心有幾大。
有傳聞指C朗決意離開曼聯,其中一大原因係想保持佢喺歐聯嘅入球紀錄,C朗依家係歐聯史上入波最多球員(141球),但只係比巴黎聖日耳門前鋒美斯多16球,如果C朗留低同曼聯一齊踢歐霸盃,個紀錄有機會畀美斯追近,為保住「歐聯史上首席射手」地位,唯有另覓可以踢歐聯嘅球隊效力。