英女足隊長極速彈起　靠菲臘仔改造

最強博彩盤路過關神器《串績王》：http://win.on.cc/football/　

英格蘭女足出戰今屆女子歐國盃，焦點之一係隊長莉亞威廉臣，呢位25歲球星喺3年前嘅世界盃只係上陣6分鐘，但2個月前就被委任為英格蘭隊長，喺阿仙奴女子隊擔任中堅嘅莉亞，返英格蘭國家隊將改踢中場，而呢個成功改係前領隊菲臘尼維利嘅功勞。

由於原本隊長侯芙頓重傷初愈無緣入選歐國盃大軍，莉亞就獲選為英格蘭新隊長，上屆歐國盃舉行嗰陣，莉亞連國家隊都未入，3年前世界盃就只係踢過6分，當時領隊菲臘尼維利表示：「我喺IG收到勁多要求莉亞上陣嘅訊息，問題係英格蘭中堅位置太多人，呢個問題令我好苦惱。」

英格蘭女足喺19年世盃最終4強出局，「菲臘仔」嘅領軍亦受到批評，但佢離職前就決定將莉亞改造為中場：「莉亞嘅運動力好強，佢好適合出任中場位置，可以好快咁返去自己崗位。」莉亞踢中場表現出色，依家更奠定中場正選位置，今屆歐國盃係佢首次喺大賽擔正，表現令人期待。