PSG宣布新帥上任　尼馬歸隊操練唔走？

20220706
  • 東網電視
    更多新聞短片
    最強博彩盤路過關神器《串績王》：http://win.on.cc/football/　
    法甲冠軍巴黎聖日耳門(PSG)正式宣布聘請加迪亞為新教練，呢位55歲名帥隨即主持操練，美斯、尼馬、基安盧基當拿隆馬、沙治奧拉莫斯，以及新加盟嘅中場域天拿等多位主力都已經歸訓練。
    其中以尼馬現身最受關注，因為近期盛傳會方打算放棄佢，但呢位巴西國腳依家歸隊，神情表現輕鬆，似乎應該會留隊。
    PSG舉行記者會介紹加迪亞成為球隊新帥，雙方簽約2年，取代早前被炒嘅普捷天奴，雖然加迪亞名氣稍遜，但教波成績不俗，曾經率領聖伊天贏得2013年法聯盃冠軍。
    最威水係協助里爾喺2020/21年球季爆冷力壓巴黎聖日耳門，奪得法甲冠軍，佢上年夏天轉投尼斯，上季帶領球隊獲得聯賽第5位及法足盃亞軍。
    不過，加迪亞嘅歐洲賽經驗不足，要幫PSG爭奪歐聯冠軍，成為佢最大考驗。
    另外，PSG球王美斯原本有「特權」放假到7月11日先至歸隊，但呢位阿根廷射手並冇咁做，而係選擇7月5日就返回PSG報到，網民大讚美斯專業，遠勝延遲歸隊嘅曼聯球星C朗。