艾歷臣違背承諾？熱刺迷怒燒波衫洩憤

足球博彩神器，每日重心提供盡在《彩報》：http://win.on.cc/football/　

丹麥中場基斯甸艾歷臣即將加盟曼聯，不過有熱刺球迷就非常失望，批評呢位昔日球隊英雄違背「決不效力其他英超球會」嘅承諾，公開燒毀一件印上艾歷臣名字嘅熱刺舊波衫洩憤，影片曝光後即被瘋傳，成為熱話。

艾歷臣曾經效力熱刺7年，早喺2017年就曾經被曼聯挖角，據報當時「紅魔鬼」有意出價8,000萬鎊收購，不過艾歷臣就向熱刺主席利維承諾，絕對唔會效力熱刺以外嘅英超球會。依家艾歷臣即將加盟熱刺敵對球隊曼聯，自然令熱刺球迷失望。

影片曝光後被網民瘋傳，但有球迷質疑，艾歷臣年初加盟賓福特已經違背承諾，點解要等到轉會曼聯先至「洩憤」？該球迷就抵死回應：「曼聯球迷覺得我針對曼聯，但係熱刺依家勁過曼聯咁多，我點解要搵一間垂死嘅球會嚟針對？」