利物浦慘敗真相　高普咁樣解釋

最強博彩盤路過關神器《串績王》：http://win.on.cc/football/　

利物浦喺今夏首場季前熱身賽，以0比4慘敗於宿敵曼聯腳下，令人大感意外，紅軍主帥高普表示，球隊太快踢熱身賽，部份球員未準備好，導致表現欠佳。

高普話：「我哋必須接受呢個賽果，曼聯有部份時間表現非常出色，為我哋帶來好大麻煩，但我哋都有唔少優勝之處，應該值得入波，可惜把握唔到。對於我哋部份球員來講，今場比賽來得太早，出現唔少錯誤，我哋最後5分鐘起碼入到3、4球。」

利物浦有多位主力上月需要為國家隊出戰國際賽，休息時間並唔充足，加上返回球會報到冇耐，明顯未操起狀態。

另外，高普亦力撐錯失入波黃金機會嘅新兵達雲紐尼斯，指佢只進行3次操練，今場比場可能超出佢身體負荷，但佢仍然不斷跑動製造射門機會，屬於一位非常稱職嘅前鋒。