拉芬夏正式亮相　加盟巴塞全因「細哨」

最強博彩盤路過關神器《串績王》：http://win.on.cc/football/　

一直「呻窮」嘅巴塞隆拿，周五(15日)正式宣布巴西翼鋒拉芬夏比洛尼加盟，轉會費高達6,500萬歐元。拉芬夏通過體測後簽約4年，佢喺發布會入面表示自細封朗拿甸奴做偶像，加盟巴塞隆拿都係受「細哨」影響。

25歲嘅拉芬夏表示：「非常榮幸成為巴塞隆拿球員，我有好多個偶像都喺巴塞隆拿取得成功，我都想跟佢哋一樣。我由朗拿甸奴開始愛上巴塞隆拿，迪高、尼馬都係我模範球員，就係佢哋令到我夢想為巴塞隆拿贏得冠軍。」

拉芬夏對巴塞隆拿係「非君不嫁」，列斯聯原本已接納車路士收購，不過拉芬夏就拒絕轉會，死都要等到巴塞隆拿出手，最終雙方都成功達成協議，令拉芬夏可以夢想成真。