【官宣】貝拿迪斯治登陸美職　拍住恩斯治尼

足球博彩神器，每日重心提供盡在《彩報》：http://win.on.cc/football/　

美職再有球星加盟！FC多倫多周六(16日)官方宣布，意大利國腳貝拿迪斯治正式加盟，雙方簽約至2026年，成為FC多倫多陣中第3個意大利球星，貝拿迪斯治同恩斯治尼合組嘅進攻線，令球迷非常期待。

28歲嘅貝拿迪斯治過去5季都效力祖雲達斯，今夏約滿後未獲續約，消息指佢喺美職年薪達500萬歐元。FC多倫多會長曼寧表示：「我哋好開心簽到貝拿迪斯治，作為球員同埋一個人，佢都係球隊更衣室最合適人選，佢喺祖雲達斯同意大利國家隊已證明自己係個冠軍級球星。」

踢翼鋒嘅貝拿迪斯治喺多倫多都有好多老友，球隊早前已簽入前鋒恩斯治尼同後衞基斯薛圖2位意大利球員。FC多倫多目前排東岸尾2，不過隨住恩斯治尼同貝拿迪斯治即將亮相，球隊成績可望大幅提升。