孫興民變「茅柴」 打到對手「嘔血」

2022年07月17日 16:00
東網電視
更多新聞短片
最強博彩盤路過關神器《串績王》:http://win.on.cc/football/ 
周六(16日)晚喺南韓舉行嘅季前熱身賽,熱刺同西維爾打和1比1,熱刺射手孫興民喺自己地頭,有恃無恐變身「茅柴」,批肘打到對手蒙迪爾爆嘴流血,似足「嘔血」,場面非常恐怖。
呢一幕血腥場面發生喺上半場尾段,西維爾後衞蒙迪爾從後搶截孫興民,點知食咗對手一肘,即時血流如注,需要離場治理,以及更換染有血跡嘅球衣。
據悉上半場結束之後,蒙迪爾搵孫興民理論,幸好雙方球員立即上前勸交,先至冇釀成更大衝突。
蒙迪爾下半場並冇上陣,換邊後僅5分鐘,孫興民傳畀哈利卡尼射入,為熱刺打開紀錄,西維爾由拿傑迪錫遠射入網扳平1比1。熱刺完成亞洲之旅,下場熱身賽將作客格拉斯哥流浪。