狼隊大件事　魯爾占美尼斯重傷

最強博彩盤路過關神器《串績王》：http://win.on.cc/football/　

英超仲有唔夠2個星期開波，狼隊喺開鑼戰作客列斯聯前傳出噩耗，主力前鋒魯爾占美尼斯喺日前熱身賽受傷，經檢查後發現膝部內側韌帶撕裂，預計要缺陣「數個星期」，球季開鑼唔使預佢。

狼隊上周日(24日)3比0大炒比錫達斯，魯爾占美尼斯15分鐘先開紀錄，但佢踢唔夠半場就受傷退下火線，檢查後發現膝部內側韌帶撕裂，肌肉亦有拉傷，軍醫表示兩個傷患都「唔係非常嚴重」，但至少要休息幾個星期。

狼隊今個夏天轉會淡靜，只係由般尼簽入守將彌敦哥連斯，而且仲將後備前鋒法比奧施華外借安德列治，令球隊依家欠缺正箭頭，預料普丹斯、黃喜燦同柏度尼圖會係客串前鋒嘅人選。