【官宣】尼斯大搞作！艾朗藍斯加盟

足球博彩神器，每日重心提供盡在《彩報》：http://win.on.cc/football/　

法甲球會尼斯周二(2日)宣布，簽入自由身球星艾朗藍斯，呢位31歲威爾斯國腳同尼斯簽約2年，成為尼斯史上最高薪球員。新球季會出戰歐霸盃嘅尼斯，同時傾掂1,200萬歐元收購安玻里中堅馬迪亞域迪，傳聞門將卡斯柏舒米高亦答應來投，足證尼斯雄心勃勃。

艾朗藍斯同祖雲達斯提前解約後，據報獲美職球會斟介，不過佢就選擇留喺歐洲，轉投大搞嘅尼斯，佢簽約後喺社交網留言：「喺尼斯展開新一頁，等唔切即刻就要開始！」

尼斯班主係英國億萬富豪拉特克利夫，近年積雄擴軍增強實力，上季拎到法甲第5位得以晉身歐霸盃，目前陣容有丹麥前鋒多爾貝治、前曼聯中場舒尼達連等球星，據報球隊亦接近收購李斯特城嘅丹麥門神卡斯柏舒米高。