拜仁簽「奧咸最渣前鋒」　只為討好文尼！

最強博彩盤路過關神器《串績王》：http://win.on.cc/football/　

德甲勁旅拜仁慕尼黑證實，球隊已簽入29歲貝寧前鋒艾辛卡普，呢位名不經傳嘅球員曾被稱為英乙球會奧咸「最渣前鋒」，依家竟然成為拜仁慕尼黑一員，據報全靠老友沙迪奧文尼帶挈！

據報艾辛卡普簽約拜仁2年，將會喺預備組比賽，呢位貝寧前鋒足球生涯大部份時間都喺低組別作賽，19/20球季曾效力英乙球會奧咸，但上陣28場只入4球，被稱為奧咸史上最渣前鋒之一。加納記者阿當斯爆料，佢今次加盟拜仁全靠死黨沙迪奧文尼幫手。

艾辛卡普同沙迪奧文尼原來係喺塞內加爾同一間足球學校出身，兩人感情非常好，文尼今夏由利物浦轉投拜仁慕尼黑後，艾辛卡普亦有陪文尼一齊去德國做體測，消息指拜仁今次簽埋艾辛卡普，係想幫助文尼更加容易適應德國生活。