利物浦出售第5中堅　富咸般茅爭住要

足球博彩神器，每日重心提供盡在《彩報》：http://win.on.cc/football/　

利物浦完成組軍，但仲有少少手尾，就係安排第5中堅尼達利菲臘斯去留，紅軍打算將呢位25歲守將放售或外借，兩支英超升班球隊富咸同般尼茅夫都表示興趣。

尼達利菲臘斯係紅軍青訓出身，不過喺利物浦僅上陣半季，近年一直外借生涯，包括去過德乙史特加，上季為英冠般尼茅夫協助升班，今夏歸隊後有參加季前集訓，不過佢喺隊內中堅排序順位排第5，今季如果留隊上陣機會不大，因此將被放售或外借。

利物浦放售菲臘斯嘅目標價係1000萬鎊，今年初屈福特曾出價700萬鎊，比甲安德列治開出更低價格，均被紅軍拒絕，會方希望有意羅致菲臘斯嘅買家，能夠滿足要求。

消息指至少有4間球會接觸利物浦，查詢簽入菲臘斯嘅可能性，其中富咸及般尼茅夫機會最大，兩隊重返英超後都想增強後防實力，富咸同利物浦高層關係友好，至於菲臘斯係般茅升班功臣，夾慣夾熟，都係菲臘斯落腳好去處。