加利佬發表偉論：C朗想走係因為經理人搞事

最強博彩盤路過關神器《串績王》：http://win.on.cc/football/　

C朗想離開曼聯成為球壇熱話，紅魔鬼名宿加利尼維利發表偉論，認為呢位昔日隊友之所以執意離隊，好大原因係經理人背後搞事，但既然C朗去意已決，曼聯亦應該放人。

加利尼維利話：「C朗過去20年取得驚人成就，屬於史上最佳球員之一，佢今次轉會事件好快被人遺忘，不過我作為前曼聯隊長，睇見C朗現時情況，都會覺得唔高興，過去幾年亦有呢種情況出現，例如普巴，但唔一定係普巴嘅錯，而係佢嘅經理人從中作梗。」

據悉C朗嘅經理人佐治文迪斯今夏四出聯絡各大球會，包括拜仁慕尼黑、巴黎聖日耳門、車路士、馬體會，希望促成C朗轉會，但都未能成功。

另外，加利佬亦指出唔可以由球員控制球隊，如果C朗想離隊，會方就應該安排佢走人，以免破壞領隊坦哈格嘅計劃。