蘭斯達爾改着1號　阿仙奴提拔國腳級新龍

最強博彩盤路過關神器《串績王》：http://win.on.cc/football/　

阿仙奴日前宣布將賓特尼奴賣畀富咸後，龍門位置亦進行大執位，上年加盟嘅英格蘭門將蘭斯達爾，開鑼戰宣布新球季繼承尼奴件1號波衫，鎖定正選門神位置。阿仙奴亦宣布提拔青年軍海恩上一隊，呢位20歲新星雖然從未為阿仙奴一隊上陣，但就已經13次代表國家隊出賽，認真神奇。

英超規定聯賽開鑼後，球員唔可以再轉球衣號碼，隨住尼奴日前轉投富咸騰出1號波衫，蘭斯達爾就趕及喺開鑼戰前轉「冧把」，佢喺官方聲明表示：「非常榮幸可以繼承呢件1號，好多阿仙奴傳奇都用過呢個號碼，我希望可以延續佢哋嘅精神，並加入自己嘅色彩。」

蘭斯達爾亦會面臨唔少競爭，阿仙奴今夏簽入美國國家隊正選門將馬特端納外，亦由青年軍提拔20歲門將海恩，呢位20歲門將已為愛沙尼亞國家隊上陣13次，亦係前英超門將潘姆嘅「學生」，來頭唔細。