狼隊力斟黃義助　打造南韓鋒線

足球博彩神器，每日重心提供盡在《彩報》：http://win.on.cc/football/　

南韓前鋒孫興民上季勇奪英超金靴獎，證明亞洲球員喺歐洲立足嘅能力，狼隊亦打算食呢陣「韓風」，據報正向波爾多斟介南韓前鋒黃義助加盟，有望撮合黃義助+黃喜燦嘅「太極虎」鋒線。

法國《隊報》消息指，波爾多今季降班法乙後，需要賣走球星套現，對上2季喺法甲都有雙位數入波嘅黃義助就係其中之一，報道指首次開價250萬鎊被拒，但呢位29歲前鋒只係得番1年合約，狼隊只要再加碼應該就可以達成交易。

狼隊本身已有南韓前鋒黃喜燦，佢同黃義助喺南韓國家隊合作無間，黃義助喺2018年更曾擊敗孫興民當選南韓足球先生，如果呢對「太極虎」鋒線可以喺英超亮相，將會好有睇頭。