港超聯 香港U23友賽挫和富大埔

2022年08月05日 12:27
東網電視
更多新聞短片
(林卓臻攝)
來季確認會升上港超聯的和富大埔,周五(5日)於將軍澳足球訓練中心(FTC)與香港U23進行熱身賽。結果香港U23憑黎培基梅開二度和林智豐的入球,以5比2擊敗大埔。
比賽分3節進行,每節30分鐘。香港U23派出羅曉聰和黃浩然兩位超齡兵壓陣,黎培基坐鎮中場,林智豐及吳文希負責前線衝鋒陷陣。大埔方面,李瀚灝擔任正選門將,陳曉鋒和馮冠鳴齊齊擔正,翁煦濤出任左閘。
香港U23開局趁大埔尚未站穩陣腳主動出擊,黎培基半場起大腳笠射得手,為香港U23先拔頭籌。大埔其後開始入局,嘗試組織攻勢,陳曉鋒接應傳中插水式頭槌攻門,被顏翱天救出。香港U23及後射入前場罰球,臨完首節前以2球領先。
落後的大埔第二節未有放棄,靠兩次反擊機會,一度扳平比數。惟香港U23好快作出回應,靠林智豐的入球再度領先。最後1節,香港U23未收手,憑黎培基罰球操刀破網,以及一次反擊機會埋齋,最終鎖定5比2勝局。
早前正式上任香港U23主教練的司徒文俊,就認為友賽輸贏並不是最大的重點,反而通過友賽讓球員提升比賽狀態及彼此之間的默契,並找出球隊的問題等,是較為重要的課題。「司徒sir」在比賽途中,不時鼓勵球員嘗試想出解決方案,他解釋要培養球員的決策能力:「我哋都會喺場邊俾指示,但最理想嘅就係球員可以喺球場電光火石之間做到決定,呢個係佢哋將來要具備嘅能力。」
大埔季前首次與超聯球隊「拍跳」,主教練李恆匯坦言球隊剛剛埋班,球隊默契仍有待提升:「球員好多都係第一次夾,要啲時間去適應同磨練,今日整體發揮唔算太差,態度方面都做足。」過去曾於各支超聯球隊擔任助教多年,今季首次掌帥印,李恆匯承認感覺非常新鮮:「做咗咁多年職業隊助教,自己都清楚職業隊嘅情況,今次好多嘢要自己決定嘅時候,係一個挑戰。」