阿仙奴好消息　3傷兵復出鬥水晶宮

最強博彩盤路過關神器《串績王》：http://win.on.cc/football/　

英超周六(6日)凌晨開鑼，打頭陣嘅阿仙奴會作客水晶宮，賽前「兵工廠」收到好消息，3名傷兵賽前已經復操，有望趕及候命上陣，阿仙奴目前只有伊美路維1名傷兵，可以強陣展開新球季。

阿仙奴季前熱身賽全勝，狀態非常理想，雖然富安健洋、基蘭泰亞尼、法比奧韋拉同伊美路維一直受傷，不過領隊阿迪達賽前證實，前3者將會喺賽前練習復操，有望進入比賽大軍名單，而伊美路維傷勢亦唔嚴重，預計下星期可以全面復操。

阿仙奴近2場熱身賽先後大炒車路士同西維爾，預料對水晶宮亦會派出相同正選陣容，2名新兵加比爾捷西斯同辛真高都會正選上陣。