【官宣】行馬迪爾舊路　迪尼斯外借西維爾

最強博彩盤路過關神器《串績王》：http://win.on.cc/football/　

曼聯正式宣布將左後衞阿歷士迪尼斯外借去西甲球隊西維爾，為期1季，紅魔鬼唔會收取借用費，但西維爾需要負擔呢位29歲巴西國腳全部薪酬。

阿歷士迪尼斯上季為曼聯上陣26次，射入1球及4次助攻，由於紅魔鬼今夏簽入飛燕諾左閘杜維爾馬拉西亞，加上原有正選勞基梳爾，令左後衞位置有人滿之患，所以決定外借阿歷士迪尼斯去西維爾。

阿歷士迪尼斯透過社交網話：「致曼聯每個人，新一季我會一直支持曼聯，為曼聯加油，感謝你哋帶畀我嘅一切。」

值得一提，曼聯今年年初曾經將前鋒安東尼馬迪爾外借去西維爾，佢今夏歸隊後，喺熱身賽有出色表現，似乎紅魔鬼想照辦煮碗，希望阿歷士迪尼斯去完西維爾，將來歸隊表現可以脫胎換骨。