英超開鑼!阿仙奴有「耶穌」打救

2022年08月05日 17:01
東網電視
更多新聞短片
最強博彩盤路過關神器《串績王》:http://win.on.cc/football/ 
新一季英超周六(6日)凌晨開鑼,揭幕戰上演「倫敦打吡」,由水晶宮主場硬撼阿仙奴。獲射手「耶穌仔」加比爾捷西斯加盟嘅阿仙奴,攻力全面升呢,不過佢哋上季兩鬥水晶宮都未贏過,可見水晶宮主帥韋拉對舊東家瞭如指掌,既然兩隊近年交手例必大手交易,一於捧中位數2.5球入球大。(Now 621及611周六凌晨3時直播)
上季臨尾香失落前4嘅阿仙奴,今夏積極增兵,除咗收回借將後衞威廉沙列巴之外,主帥阿迪達收購兩名曼城舊部加比爾捷西斯及辛真高來投最矚目。
其中「耶穌仔」加盟,全面激活球隊進攻,佢唔單止勤於逼搶,為新隊友布卡約沙卡、加比爾馬天尼利等製造機會,「耶穌仔」埋門一腳亦甚具威脅。
睇番之前5場正式熱身賽,呢位巴西國腳合共轟入7粒,包括上仗酋長盃狂數西甲球隊西維爾6蛋之役大演「帽子戲法」,而「兵工廠」喺呢5仗贏晒共入20球,火力全開,今場揭幕戰亦係打吡戰,預計阿仙奴會全力搶攻爭頭彩。
韋拉提拔新人有料到
不過水晶宮亦非善男信女,呢班波上季由前阿仙奴隊長韋拉接手,一改以往過於倚賴韋費特沙夏數胡嘅弱點,韋拉提拔馬克古希、干拿加歷查、米高奧利斯等新人,更加注重進攻,上季早早搶夠分上岸兼殺入英足盃4強之餘,聯賽兩鬥阿仙奴更獲1勝1和,包括主場大勝3比0,似乎韋拉專剋舊東家,就算干拿加歷查已被車路士收回,今場亦唔會龜縮。
翻查紀錄,雙方近11次交手,有9次開3球或以上,不妨向2.5球入球大埋手。