權威統計數據　利物浦最大機會捧英超

最強博彩盤路過關神器《串績王》：http://win.on.cc/football/　

新一季英超將於周六(6日)凌晨開鑼，權威統計數據網站OPTA公布預測各隊今季奪冠機會率，上季亞軍利物浦以49.72%，成為最大機會捧盃嘅球隊。上季冠軍曼城以47.03%排第2位，亦係「藍月亮」近5年首次失落「奪冠機會」一哥位置，莫非今季英超將會變天？

OPTA根據各隊陣容及各項數據進行分析，得出利物浦有49.72%可以奪冠，屬於各隊之中最高。OPTA亦認為紅軍喺季前熱身賽表現比曼城出色，新簽前鋒達雲紐尼斯迅速融入球隊，並協助利物浦喺社區盾擊敗曼城。反觀曼城新簽射手艾寧夏蘭特似乎仍然未適應球隊踢法，情況令人擔憂。

至於第3大機會捧英超嘅球隊係熱刺，但只有1.81%，車路士僅1.1%，曼聯更加只有0.18%，可見新一季英超錦標仍然係曼城同利物浦之爭。