C朗有Mood　周日有望正選登場

足球博彩神器，每日重心提供盡在《彩報》：http://win.on.cc/football/　

曼聯話題繼續圍繞C朗，在安東尼馬迪爾受傷下，C朗周日首輪聯賽主場對白禮頓好大機會正選登場，呢位葡萄牙巨星喺社交網發出自拍照，寫上「Mood」，咁有Mood，睇嚟佢會踢正選嘞。

C朗喺個人IG發放自拍照，見佢面帶笑容，相當精神。呢個帖發出嘅同一時間，曼聯傳出安東尼馬迪爾受傷消息，馬迪爾早前遠東集訓鹹魚翻生，頭3場都有士哥，包括對死敵利物浦，喺當時C朗告假未歸隊情況下已坐穩正選中鋒位置，但依家傷咗，坦哈格只能考慮其他人選。

在此之前，有報道指C朗同坦哈格近日爆發激烈矛盾，上仗熱身賽對華歷簡奴，C朗同坦哈格場邊討論，氣氛睇嚟好火爆，C朗半場被換出後提早離場，其後坦哈格回應傳媒訪問時表示，球員提早離場不能接受，令矛盾激化。

上述種種都係傳媒觀察，C朗仍然係曼聯球員，佢賽前透露好心情，對球隊絕對係好事。