韋拿杜姆飛抵羅馬 借用一年

2022年08月05日 23:05
東網電視
更多新聞短片
韋拿杜姆
最強博彩盤路過關神器《串績王》:http://win.on.cc/football/ 
羅馬再添強援,荷蘭國腳韋拿杜姆周五(5日)由羅馬班主費里德金親自駕駛私人飛機飛抵羅馬,他將以借用身份由巴黎聖日耳門外借到羅馬一季,附帶買斷條款。
上季羅馬邀請摩連奴執教,同樣由費里德金駕駛私人飛機迎接,今次韋拿杜姆獲得同等待遇,可見球隊對佢有幾重視。羅馬今夏先後引入尼曼查馬迪、保羅戴巴拿,依家再加埋韋拿杜姆,實力同星味與日俱增,可見球會野心不少。
講番韋拿杜姆加盟詳情,報道指,羅馬與PSG簽定先借後買協議,羅馬借用一季將承擔球員50%人工,約為500萬歐元,假如今季為羅馬上陣總場次超過一半,或羅馬來季取得歐聯入場券,就會觸發買斷條款,到時羅馬要向PSG支付800萬歐元轉會費,收購韋拿杜姆。
韋拿杜姆加盟羅馬亦作出不少犧牲,佢上季離開利物浦加盟PSG後,僅上陣31場,其中18場正選,但12次被中途換出,不受球隊重用,今夏答應外借到羅馬,更放棄大約100萬歐元獎金,希望在羅馬爭取更多上陣機會。從佢加盟首日所獲嘅貴賓式招待嚟睇,相信佢今次冇嚟錯。