最強博彩盤路過關神器《串績王》：http://win.on.cc/football/　

新一季英超爭標熱門利物浦未開波，已經先受到打擊，球隊爆發傷兵潮，有8位球員因為受到傷病問題困擾，可能缺陣周六(6日)晚首輪英超作客富咸。

利物浦中場阿歷士張伯倫喺季前熱身賽受傷，需要長抖3個月，另1位中場居迪斯鍾斯喺社區盾對曼城一役受傷，近日未能參與團隊操練，預料需要休息4星期。

另外，前鋒迪亞高祖達、後衞森美卡斯、中堅伊巴希馬干拿迪、後備門將基利靴都有傷在身。

至於早前受傷嘅正選門將艾利臣比加，以及患病嘅中場拿比基達雖然已經康復，但有冇足夠狀態上陣，成為疑問，今場排陣真係考起領隊高普。