英超揭幕戰 阿仙奴旗開得勝

2022年08月06日 08:00
東網電視
更多新聞短片
(Getty Images)
最強博彩盤路過關神器《串績王》:http://win.on.cc/football/ 
英超周六(6日)凌晨開鑼,揭幕戰阿仙奴果然冇令球迷失望,作客以2比0擊敗水晶宮,2位由曼城加盟嘅攻守猛將表現搶眼,前鋒加比爾捷西斯全場有6次成功扭過對手,追平個人紀錄,左閘辛真高貢獻1次助攻,證明兵工廠增兵策略非常成功。
阿仙奴上季曾經作客慘吞水晶宮3蛋,今仗反客為主,開賽20分鐘就打開紀錄,布卡約沙卡開出角球,辛真高頭槌二傳,由加比爾馬天尼利近門頂入。
另1位巴西前鋒加比爾捷西斯表現亦非常活躍,頻頻個人突破,向對手防線施壓,佢今場有7次嘗試扭過對方,其中6次成功,包括4次禁區內出現,踢法非常有侵略性,美中不足係未能延續熱身賽入波勢頭。
阿仙奴踢到85分鐘再增添紀錄,布卡約沙卡右路傳中,去勢非常急勁,導致水晶宮中堅馬克古希擺烏龍,兵工廠贏2比0旗開得勝。
值得一提,領隊阿迪達執教阿仙奴98場英超,贏咗50場,成為球隊史上第2快取得50場英超勝仗嘅主帥,僅次於雲格,當年「雲爺爺」僅領軍94場就獲得50勝。賽後阿迪達表示,仍然希望繼續增兵,充滿雄心壯志。